✅Turkiston jadidlar harakatining asoschisi, atoqli adib va jamoat arbobi, buyuk mutafakkir Mahmudxoʻja Behbudiy tavalludining 150 yilligi munosabati bilan “Behbudiy maktabi – yoshlarga ibrat” deb nomlangan maʼnaviy-maʼrifiy hamda ijodiy anjuman bo‘lib o‘tdi.

✅Mazkur anjumanda Samarqand viloyati Madaniyat boshqarmasi boshlig‘i Botir Tugalov va boshqarma xodimlari ishtirok etishdi.

📰Tadbirni “Zarafshon” hamda “Samarqandiskiy vestnik” gazetalarining bosh muharriri, yozuvchi-dramaturg Farmon Toshev kirish so‘zi bilan ochib berdi.

⬇️Shuningdek, Toyloq tumani hokimi Behzod Rahmatullayev so‘zga chiqib, Mahmudxo‘ja Behbudiyning hayoti, ijodi va jadidchilik harakatidagi beqiyos o‘rni haqida batafsil ma’lumotlar berdi.

➡️Anjuman davomida Behbudiy merosining bugungi avlod tarbiyasidagi ahamiyati, uning ma’rifatparvarlik g‘oyalari yoshlar uchun ibrat ekani alohida ta’kidlandi.

⌛Ma’naviy-ma’rifiy tadbir Samarqand viloyati musiqali drama teatrining ijodiy jamoasi tomonidan sahnalashtirilgan, Farmon Toshev qalamiga mansub “Behbudiy” nomli spektakl namoyishi bilan yakunlandi.

✅Tadbir yakunida konferensiyada faol ishtirok etgan, Behbudiy nomini abadiylashtirishga munosib hissa qo‘shgan bir guruh ziyoli olimlar va ijodkorlar Toyloq tumani hokimining tashakkurnomalari hamda esdalik sovg‘alari bilan taqdirlandilar.