15-aprel – Madaniyat va san’at xodimlari kuni munosabati bilan Samarqand viloyati Madaniyat boshqarmasi boshlig‘i Orif Xaitov uzoq yillar davomida madaniyat sohasida samarali xizmat qilib kelayotgan faxriy san’atkorlar holidan xabar oldi.

Xususan, tashrif davomida Samarqand viloyat musiqali drama teatri rejissori Mamadamin-zoda Muhammadrasul hamda “Nihol” mukofoti sovrindori, Samarqand ixtisoslashtirilgan san’at maktabi o‘qituvchisi Oblaqulov G‘iyos Axrorovichning holidan xabar olindi.

Uchrashuvlar chog‘ida faxriylar bilan samimiy suhbat o‘tkazilib, ularning salomatligi va ijtimoiy sharoitlari bilan yaqindan qiziqildi. Bayram munosabati bilan ularga viloyat hokimining tashakkurnomalari va esdalik sovg‘alari topshirildi.

Mazkur tashriflar madaniyat va san’at sohasi vakillariga bildirilayotgan yuksak e’tibor va g‘amxo‘rlikning yaqqol ifodasi bo‘ldi.