Samarqand viloyati Madaniyat boshqarmasi Hay’at yig‘ilishi qaroriga muvofiq, 2026-yilning birinchi yarim yilligi yakunlari bo‘yicha samarali faoliyat yuritib, eng faol deb topilgan bir guruh tizim tashkilotlari rahbarlari rag‘batlantirildi.
Ularni munosib taqdirlash maqsadida O‘zbekiston kasaba uyushmalari Federatsiyasining Samarqand viloyati kengashi tomonidan Qirg‘iziston Respublikasining "Issiqko‘l" dam olish maskaniga yo‘llanma taqdim etildi.
Mazkur rag‘batlantirish tizimda fidokorona mehnat qilayotgan rahbarlarni qo‘llab-quvvatlash, ularning mehnatini munosib e’tirof etish hamda kelgusidagi faoliyatiga yangi ruh va motivatsiya bag‘ishlashga xizmat qiladi.