Samarqand viloyati Madaniyat boshqarmasi tasarrufidagi Narpay tumanidagi 13- hamda 27-son Bolalar musiqa va san’at maktabi o‘quvchilari yana bir bor o‘z iste’dod va mahoratlarini namoyon etishdi.
Ular “SHARQ GAVHARI” II xalqaro ko‘rik-tanlovining yakuniy bosqichida muvaffaqiyatli ishtirok etib, yuqori natijalarga erishdilar.
Iqtidorli o‘quvchilar tanlov davomida 9 ta birinchi o‘rin, 3 ta ikkinchi o‘rin, 6 ta 3-o'rin hamda 3 ta Gran-pri sovrinlarini qo‘lga kiritib, nafaqat maktab, balki tumanimiz sharafini ham munosib himoya qildilar.
Mazkur yutuqlar tinimsiz mehnat, ustozlarning fidokorona sa’y-harakatlari hamda san’atga bo‘lgan cheksiz muhabbatining yorqin ifodasidir.
Bunday natijalar kelajakda yanada katta zafarlar sari mustahkam qadam bo‘lib xizmat qiladi.